Üç süzgәc
Üç süzgәc...
Bir nәfәr Sokrata yaxınlaşaraq deyir:
— Bilirsәn, dostun sәnin haqqında mәnә nә dedi?
— Dayan – deyәrәk Sokrat onun sözünü kәsir – demәk istәdiyin hәr sözü üç süzgәcdәn keçir, sonra danış.
— Üç süzgәc?
— Bir şeyi danışmamışdan öncә, deyәcәklәrini üç süzgәcdәn keçirmәlisәn. İlk olan doğruluq süzgәcidir. Әminsәn ki, deyәcәklәrin tam doğrudur?
— Xeyr, mәn sadәcә bunu eşitmişәm.
—Demәli, dediklәrinin hәqiqәt olub-olmadığını bilmirsәn. İkinci süzgәc xeyirxahlıq süzgәcidir. Sәn mәnim dostum haqqında nә isә yaxşı bir şey demәk istәyirsәn?
— Xeyr, әksinә.
— Demәli, – deyә Sokrat davam edir, – sәn deyәcәklәrinin hәqiqәt olub-olmadığını bilmәdiyin halda onun haqqında pis şeylәr demәyә hazırlaşırsan. Son olaraq isә deyәcәyin xәbәri mәnim eşitmәyim vacibdirmi?
— Xeyr, bu elә dә vacib deyil.
— Son olaraq - Sokrat qeyd edir: – Sәnin mәnә deyәcәyin xәbәrdә nә hәqiqәt, nә xeyirxahlıq, nә dә vaciblik yoxdur. Bәs onda bunu demәyә nә gәrәk var?